المساعد الشخصي الرقمي

مشاهدة النسخة كاملة : ما الدنيا الا تواليت كبير -------- !!!


صدفه
2010-01-14, 09:21 AM
بعد قعدة مملوءة بالتأمل ، نظرة فلسفية عمييييقة:


اكتشفت يا أخوانا أن الدنيا ما هي إلا تواليت كبير ( كابينيه بالبلدي)

نعم
أرايتم هذا الكشف المدوي الذي سيقلب حياتنا رأسا علي عقب .

طول ما احنا ماشيين في الحياة بنقابل جميع اشكال البشر .
وكتييييييير قوي بنقابل أنواع لا يعلم بها سوي الله.:
بنسمع كلام زي الزفت ، ونشوف حاجات زي الزفت
ده يجيب في سيرتك
ده يجيب في سيرة الناس وعايزك تجيب في سيرتهم أنت كمان

ده قليل الأدب بيشتم وشايفك بتمثل دول الشريف إللي عامل نفسه محترم ومتربي ومبقلش كلام غلط
وده عايزك تشتم معاه .

وده بيعاكس بنات وبيمشي معاهم وبيعمل حاجات زبالة معاهم ، وعايزك تبقي معاه
ولو رفضت تبقي مش راجل وخايف تنكسف:: .

ولو اتكلمت علي الحرام والحلال تبقي المثالي إللي عايز يعيش الدور عليه

وفيه البنت إللي تشرد بيك وسط البنات أصحابها إللي بيشردوا بيك مع الولاد اصحابهم إللي هما بالتالي بيشردوا بيك بينهم وبين بعضيهم ، وده كله لأنك مرضتش تكلمها لأنه اولا حرام ، ثانيا هيه أخت جارك .

وفيه القريب إللي عايزك تشتغل بالحرام مستغل سلطته فتاكل حق الغلابة ، ولو معملتش كده تبقي فقري ومش كويس ومش قريب راجل .

كل ده زي اي قذارة، بتترمي في التواليت الخاص بحياتك
كانت القذارة دي كلام
أسافين
خداااع من ناس
مقالب
وقيعة بينك وبين حبايبك

مش المهم
المهم إن كل ده بيترمي في التواليت
وبتشد عليه السيفون بس ساعات من كتر القرف ده التواليت بيتسد ، فبالتالي بيطفح ( شفت أنت كلمة بيطفح دي * معبرة مش كده ;) * )
وطبعا بيصيبك من قرفه جانب
وتفضل مقروف يا صاحبي
لغاية ما تتطهر من قذر الناس
من خداعهم
من قرفهم
من ألف الف وش ليهم

وبتحاول تشوف طريقة تسلك بيها تواليت حياتك ( كده الموضوع قلب قرف خالص

بس وأنت بتسلكه دايما بتسأل نفسك ، يا تري هيفضل سالك ولا هيتسد تاني ( قمة الحيرة والتساؤل )
وبتسأل لو اتسد طيب هيتسد بعد قد إيه

عن نفسي مبقتش أسأل
علشان قررت أغير الحمام كله
ودلوقتي يا بطل عايزك تجاوبني علي كام سؤال علي السريع :

1- كام مرة اتسد تواليتك ( كابينيهك ).
3-أطول مرة اتسد فيها قعد قد إيه.::
4-وأخيرا نوعك تواليتك ( كابينيهك ) إيه * إفرنجي * أم * بلدي *
[/font]