المساعد الشخصي الرقمي

مشاهدة النسخة كاملة : ضحكوا علينا الرجاله


صدفه
2010-01-31, 03:16 PM
زمان….زمان
قبل الميلاد
كان الرجال ..
حسب تاريخنا زمان ماقال
حاملين لراية الطعام
يتغربوا..يتصيدوا
والنسوة مرتاحة تنام
رجالة في الغابات تفوت
وياما منها رجال تموت
أما الحريم..
عايشة
بتغرق في النعيم
ترعي ..تربي في العيال
والحال كدا ماشي وعال
راجل لئيم فكر وقال :

لازمنا تخطيط من جديد
ليه إحنا نشقى شهور بعيد
والنسوة تتهنا هنا
صاح الرجال :

دا رأي عال
شغل دماغك ..قلنا
إزاي نحل المسألة
بعد التعب والبهدلة
نرتاح وهما يتعبوا
فكر وقال :

مفيش محال
والحل قدامنا بسيط
تلزمنا ثورة للحريم
ثورة على الخير والنعيم
هما يثوروا ويطلبوا
وإحنا نمانع بالكلام
وف وقت ما الثورة تعم
نرضخ ونستسلم تمام
نرتاح ونتنهنا بقا
يتحملوا معانا الشقا
في البيت يعودوا لشغلهم
وكمان يربولنا العيال
هما اللي طلبوا يتعبوا
يتحملوا ويشربوا
صاح الرجال :

فكرة جميلة…معجزة
لكن تنفيذها صعيب
محتاج لصبر ومزمزة
وللنتيجة العال تجيب
الثورة سهلة وممكنة
نبدأ بحي على الفلاح
وننتهى بالمسكنة
واللي ح يشعل الفتيل ؟

لازم يكون مصلح جليل
يخطب ..يقول
إن الحريم زي الرجال
مفيش لرغبتهم محال
من كتر قعدة البيوت
راح تتخنق ..تعيا..تموت
والحل …تخرج للحياه
تشقى وتتعب
والحلم يوصل منتهاه
يابن اللئيمة
يامفتري
قدرت تلعب بالعقول
تبيع حياتنا وتشتري
وخرجنا نتحمل حمول
شغل ومهانة وبهدلة
ومسئولية مقندلة
ساعة مانرجع للبيوت
تنضيف وطبخ وتربية
ومحرومين م الترقية
لأننا أصلا …حريم
واللي دفعنا للخروج
كان شخص سماوي ولئيم


منى سليمان


ده كلام استوقفنى

بس حسيت ان ممكن يكون فى اراء وتعليقات عليه

من الولاد والبنات

ها

فى انتظار رايكم

ا