المساعد الشخصي الرقمي

مشاهدة النسخة كاملة : وصفات طبيعيه<من المطابخ المصريه <


صدفه
2010-02-12, 10:44 PM
http://www.samysoft.net/forumim/slam/50964742.gif



أكيد بشرتك في الصيف بتعاني من مشاكل كتير أوي زي مثلا مشكلة جفاف البشرة أو ظهور البقع السوداء، علشان كده فكرت النهارده أقدم لكم مجموعة متنوعة من الماسكات الطبيعية...

وده لأن الماسكات الطبيعية من أهم مستحضرات التجميل اللي لها مفعول السحر في الاعتناء بالبشرة، فالماسكات لها فوائد كثيرة، منها؛ أنها بتساعد على جريان الدورة الدموية، وإزالة المواد السامة من على البشرة الخارجية، ومعالجة تجاعيد البشرة، وإزالة الدهون والزيوت من على البشرة...

مش كده وبس دي كمان بتخلي البشرة الجافة رطبة والبشرة الدهنية عادية، وبتدخل الأكسجين إلى البشرة وبتخلي البشرة منتعشة ومرتاحة...

ودلوقتي تعالي نشوف مجموعة متنوعة من الماسكات الطبيعية، وياريت تختاري ماسك واحد منهم مناسب لنوع بشرتك وتعمليه مرة واحدة في الأسبوع.



http://www.samysoft.net/forumim/fwasel/1/fgdfgdf.gif


ماسك اللبن
للبشرة العادية



الماسك ده بالذات مناسب جدا لأصحاب البشرة العادية، لأنه بينقي البشرة من أي شوائب ممكن تتجمع عليها نتيجة التلوث وكمان بيغذيها.

المكونات:-

• 5 معالق لبن حليب.
• 5 معالق عسل نحل.

طريقة تحضير الماسك:-

حطي العسل على اللبن، لغاية ما يصبحوا مزيجا واحدا، وبعدين حطي الماسك على وجهك لمدة 10 دقائق، بعد كده اغسلي وجهك بالميه الفاترة.

http://yalladown.net/vb/undefined/images/statusicon/wol_error.gifنقره على هذا الشريط لعرض الصورة بالمقاس الحقيقيhttp://www.samysoft.net/forumim/fwasel/1/fgdfgdf.gif

غسول النعناع
للبشرة الدهنية

http://www.boswtol.com/mastaba/images/255/kamar_012.jpg

لو كانت بشرتك دهنية فأنت أكيد محتاجة إلى حاجة تخلصك من الدهون والزيوت... وأحسن حاجة إنك تستخدمي غسول النعناع

المكونات:-

• نعناع أخضر أو مجفف.
• ميه.

طريقة تحضير الماسك:-

بتغلي شوية نعناع طازة مع الميه، وبعدين تستني شوية لما الميه دي تبرد، وبعد كده تغسلي وجهك بيهم مرتين في اليوم مرة الصبح ومرة بالليل.

http://yalladown.net/vb/undefined/images/statusicon/wol_error.gifنقره على هذا الشريط لعرض الصورة بالمقاس الحقيقيhttp://www.samysoft.net/forumim/fwasel/1/fgdfgdf.gif

ماسك عصير الخيار
للبشرة الدهنية الجافة

http://www.boswtol.com/mastaba/images/255/kamar_013.jpg

الماسك ده ممكن تستخدميه لو كانت بشرتك دهنية جافة بس بشرط إنها تكون خالية من الحبوب...

المكونات:

• معلقتين عصير خيار.
• معلقة ماء ورد.
• معلقة زيت زيتون.
• معلقتين دقيق.
• شرائح خيار.

طريقة تحضير الماسك:-

بتخلطي المكونات كلها مع بعضها ما عدا شرائح الخيار، وبتحطي الماسك على بشرتك، وبتحطي شرائح الخيار عليه لمدة 10 دقائق، بعد كده بتغسلي وجهك بالميه الباردة، على فكرة الماسك ده بيساعد على ترطيب البشرة.



http://www.samysoft.net/forumim/fwasel/1/fgdfgdf.gif

ماسك التفاح
لشد البشرة الدهنية المترهلة

http://www.boswtol.com/mastaba/images/255/kamar_015.jpg

لو كنت فوق الثلاثين وبتعاني من وجود ترهلات في بشرتك ممكن تستعملي الماسك ده...

المكونات:-

• قلب التفاحة.
• معلقة كبيرة نشا مدوبة في معلقتين ميه.
• 3 معالق عصير تفاح.
• معلقة كبيرة عصير خس.
• نقطتين عصير ليمون.
• معلقتين كبار دقيق.

طريقة تحضير الماسك:-

بتحطي التفاحة بعد ما تقشريها في الخلاط، وبتضيفي إليها كل المكونات السابقة، وفي الآخر الدقيق واحدة واحدة لغاية ما الخليط يتماسك في الخلاط، بتحطي الماسك على وشك لمدة 10 دقايق وبتشيليه بالميه الفاترة، وعلى فكرة ده مش بيشد البشرة وبس ده كمان بيشيل البقع الموجودة في الوجه.

http://yalladown.net/vb/undefined/images/statusicon/wol_error.gifنقره على هذا الشريط لعرض الصورة بالمقاس الحقيقيhttp://www.samysoft.net/forumim/fwasel/1/fgdfgdf.gif

ماسك الليمون
لسد مسام البشرة الدهنية

http://www.boswtol.com/mastaba/images/255/kamar_016.jpg

لو كانت بشرتك دهنية وبتعاني من مشكلة المسام الواسعة فالحل في الماسك ده...

المكونات:-

• 3نقط عصير ليمون.
• معلقة كبيرة خميرة مدوبة في معلقتين ميه.
• معلقة نشا مدوبة مع معلقة ماء ورد.
• معلقتين لبن.

طريقة تحضير الماسك:-

بتحطي المكونات كلها مع بعضها لغاية ما يبقوا مزيج متماسك، ولو المزيج ناشف شوية ممكن تحطي شوية لبن، ولو المزيج طري بتحطي شوية دقيق...

بتحطي الماسك على بشرتك لمدة 5 دقائق، وبعد كده بتشيليه بالميه الفاترة، على فكرة الماسك ده بينظف البشرة وبيسد المسام الواسعة في منطقة الأنف أو الخدود وبيخفف الإفرازات الدهنية في الخدود.



http://www.samysoft.net/forumim/fwasel/1/fgdfgdf.gif

ماسك عصير البرتقال
للبشرة الجافة

http://www.boswtol.com/mastaba/images/255/kamar_017.jpg

لو كانت بشرتك جافة ونفسك في حاجة تطريها يبقى ممكن تجربي الماسك ده...

المكونات:-

• معلقة كبيرة قشر ليمون مبشور.
• معلقة كبيرة قشر برتقال مبشور.
• معلقة دقيق.
• معلقة صغيرة عصير ليمون.
• معلقة صغيرة عصير برتقال.
• معلقة صغيرة زيت اللوز الحلو "موجود عند العطار".

طريقة تحضير الماسك:-

تخلطي المكونات كلها مع بعضها وتفركي وشك بيها، وعلى فكرة ممكن تغسلي وشك بالصابون الطبي في الأول، وبعدين تفركي وشك بالماسك بإيدك الاثنين بالراحة، وعلى فكرة الماسك ده مفيد جدا لأنه بيقضي على أي خلايا ميتة في البشرة، وممكن بعد الماسك ده تحطي على وشك قشطة اللبن لمدة 3 دقايق..



http://www.samysoft.net/forumim/fwasel/1/fgdfgdf.gif

ماسك زيت الزيتون
للبشرة الجافة شديدة الجفاف



لو كانت بشرتك جافة وشديدة الجفاف فالحل إنك تستخدمي الماسك البسيط ده...

المكونات:-

• معلقة كبيرة زيت زيتون.
• معلقة كبيرة جلسرين أو فازلين طبي.
• معلقة كبيرة خميرة مدوبة في معلقتين لبن دافئ.
• 3 معالق دقيق.

طريقة تحضير الماسك:-

بتحطي الفازلين مع الزيت، وبتحطي عليهم الخميرة مع اللبن، بتزودي شوية دقيق مع اللبن لغاية ما يبقى المزيج متماسك، بتحطي الماسك على وشك لمدة ربع ساعة، وبعد كده بتغسلي وشك بالميه الفاترة.



http://www.samysoft.net/forumim/fwasel/1/fgdfgdf.gif

ماسك بياض البيض
للبشرة المختلطة اللي بتميل إلى الدهنية



المكونات:

• بياض بيضة.
• 1/2 معلقة صغيرة عصير ليمون.
• معلقة كبيرة من البطاطس المسلوقة والمهروسة كويس.
• معلقة صغيرة عسل نحل.
• معلقة كبيرة نشا مدوبة في ماء ورد.

طريقة تحضير الماسك:-

بتحطي بياض البيضة في الخلاط، وبعدين بتضيفي إليه كل المكونات وتخلطيهم مع بعض كويس، هتحطي الماسك على وجهك لمدة 7 أو 8 دقائق، وبعدين هتغسلي وجهك بالميه الفاترة...

على فكرة الماسك ده هيساعد البشرة المختلطة على إنها تبقى عادية وما تبقاش دهنية..



http://www.samysoft.net/forumim/fwasel/1/fgdfgdf.gif

ماسك بشر الصابون الطبي
للبشرة المختلطة



المكونات:-

• معلقة صابون طبي مبشور.
• 1/2 معلقة زيت زيتون.
• نصف كوباية ماء ورد.

طريقة تحضير الماسك:-

هتخلطي كل المكونات دي مع بعض، وهتفركي بيها وجهك كل يوم ، وبعد كده تغسلي وجهك بالميه الفاترة، على فكرة الماسك ده بينعش البشرة جدا وبينقيها.



http://www.samysoft.net/forumim/fwasel/1/fgdfgdf.gif

ودلوقتي تعالي نتعرف مع بعض على
ماسكات مناسبة لكل أنواع البشرة



دي كمان مجموعة من الماسكات مناسبة لكل أنواع البشرة...






ماسك قبل الماكياج



ده ماسك ممكن تحطيه قبل الماكياج وعلى فكرة الماسك ده بيشيل الشحوب والتجاعيد والاصفرار وبيعطي نضارة للبشرة....

المكونات:-

• صفار بيضة.
• نقطتين زيت لوز حلو.
• نقطتين عصير ليمون.
• نقطتين عصير برتقال.
• 1/2 معلقة صغيرة ماء ورد.
• 1/2 معلقة صغيرة ماء زهر.
• معلقة صغيرة عسل نحل.
• بشر قشرة ليمونة.
• معلقة صغيرة زبدة أو معلقة كبيرة قشطة لبن.
• معلقة كبيرة دقيق.
• 1/2 فنجان لبن سايل.

طريقة تحضير الماسك:-

بتحضري الماسك على مرحلتين:

1. بتخفقي صفار البيضة مع الزيت وعصير الليمون والبرتقال، وبعدين تزودي عليهم ماء الورد وماء الزهر وتحطي العسل وبشر الليمون..

2.هتسخني قطعة الزبدة أو قطعة القشطة على النار وتضيفي عليها الدقيق زي طريقة الصوص الأبيض وبعدين تحطي شوية لبن لغاية ما يبقى لزج زي الزبادي.

بتخلطي مزيج المرحلة الأولى مع مزيج المرحلة الثانية، ممكن إنك تقسمي الماسك على 3 أو 4 أقسام وتحطيهم في الثلاجة، وتطلعي منهم على حسب ما أنت عايزاه، وبعدين تحطي الماسك على وشك لمدة ربع ساعة، وبعد كده بتشيليه بالمياه الفاترة..


http://www.samysoft.net/forumim/fwasel/1/fgdfgdf.gif

ماسك لشد التجاعيد والترهلات

http://www.boswtol.com/mastaba/images/255/kamar_022.jpg

لو كنت بتعاني من مشكلة ظهور التجاعيد أو الترهلات فالحل في الماسك ده...

المكونات:-

• بشر تفاحة.
• معلقة نشا مدوبة في معلقتين لبن ساقع.
• نقطتين زيت زيتون.
• معلقة كبيرة دقيق.

طريقة تحضير الماسك:-

بتخلطي المكونات دي كلها مع بعض، وممكن تحطي شوية لبن لو كان الخليط سميك شوية، وبتحطي الماسك على وجهك لمدة 10 دقايق وبعد كده تغسليه بميه ساقعة جدا.



http://www.samysoft.net/forumim/fwasel/1/fgdfgdf.gif

ماسك النشا
لعلاج السواد تحت العين

http://www.boswtol.com/mastaba/images/255/kamar_023.jpg

أما لو كنت بتعاني من مشكلة الهالات السوداء فالحل في الماسك ده...


المكونات:-

• معلقة كبيرة نشا.
• معلقة كبيرة ماء ورد.
• معلقة كبيرة خميرة.
• معلقة كبيرة لبن فاتر.
• نقطتين زيت لوز.
• معلقة كبيرة عصير الخيار.

طريقة تحضير الماسك:-

بتخلطي المكونات دي كلها مع بعضها كويس أوي، وبتجيبي قطعة شاش من الصيدلية، وبتحطي فيها الماسك ده، وبعدين بتحطيه على عينيك لمدة 10 دقائق، بعد مرور العشرة دقائق بتشيلي قطعة الشاش، وبعدين بتغسلي عينك بالميه الباردة....ممكن بعد ما تخلصي الماسك ده تحطي كريم مرطب حول العين.



http://www.samysoft.net/forumim/fwasel/1/fgdfgdf.gif

ماسك التفاح
لتفتيح الرقبة

http://www.boswtol.com/mastaba/images/255/kamar_024.jpg

لو كنت بتعاني من مشكلة اسمرار منطقة الرقبة، فدي وصفة هايلة هتساعدك على التفتيح..

المكونات:-

• بشر تفاحة طازجة.
• معلقة كبيرة دقيق.
• نقطتين عصير ليمون.

طريقة تحضير الماسك:-

بتخلطي التفاحة المبشورة مع الدقيق وعصير الليمون، وبعد كده بتحطي الماسك على رقبتك لمدة 10 دقائق، وبتشيليه بالميه الفاترة، على فكرة الماسك ده مش بس بيفتح الرقبة وبس ده كمان بيشد عضلات الرقبة.